«Lebapgazçykaryş» müdirligi boýunça 2023-nji ýyl üstünlikli jemlenilýär. Baýlyk çykaryjylar tutanýerli we maksada okgunly zähmet çekmek arkaly ýyllyk meýilnamany möhletinden bir aý öň berjaý etdiler.
Şanly ýylda arzyly sepgide abraý bilen ýetilende «mawy ýangyjyň» 9 milliard 875 million 120 müň kub metri gazylyp alyndy. Guýularyň önüm berijiligini artdyrmagyň, işleri ýokary sazlaşykly guramagyň hasabyna her gije-gündizde tebigy gazyň, ortaça, 30,5 million kub metri öndürilýär. Şonuň netijesinde şu döwre çenli gymmatly harytlyk önümiň 10 milliard 667 million kub metrden gowragy öndürildi.