Lebapdaky muzeýde bäsleşik-sergisi guraldy
Lebap welaýat Taryhy we ülkäni öwreniş muzeýinde Türkmenistanyň
Suratkeşler birleşmesiniň welaýat şahamçasynyň hem-de welaýat medeniýet
müdirliginiň bilelikde guramaklarynda hemişelik Bitaraplygymyzyň 29 ýyllygy
mynasybetli Magtymguly Pyraga bagyşlanan çeperçilik eserleriniň bäsleşik-sergisi ýaýbaňlandyryldy.
Sergä Türkmenistanyň Suratkeşler birleşmesiniň welaýatdaky agzalarynyň, welaýat ýörite sungat mekdebiniň mugallymlarydyr talyplarynyň hem-de çagalar sungat mekdepleriniň ýaş suratkeşleriniň eserleri hödürlenildi.
Görkezilen eserlerde dünýäniň akyldar şahyry Magtymguly Pyragynyň arzuwlan
zamanasy, Bitaraplyk, asudalyk we parahatçylyksöýüjilik ýaly mowzuklar
janlandyryldy. Çeper görnüşlere siňen eserler bu ýere gelip görýänleriň ünsüni
özüne çekýär.
Bäsleşik-sergi öz işini hemişelik Bitaraplygymyzyň şanly 29 ýyllyk baýramyna
çenli dowam eder. Soňra bäsleşigiň ýeňijileri yglan edilip, olara Hormat hatlary
we gymmatly bahaly sowgatlar gowşurylar.
