Lebapdaky kärhana Türkmenistanyň dürli sebitlerindäki iri gurluşyk işlerini elektrik geçirijileri bilen üpjün etmäge gatnaşýar
Häzirki döwürde «Türkmen ýyldyzy» hojalyk jemgyýeti tarapyndan Ahal welaýatynyň çäginde gurulýan armatura öndürmäge niýetlenen kärhanada elektrik üpjünçilik işleri dowam etdirilýär.
Bulardan başga-da Lebap welaýatynyň Türkmenabat şäherinde ýerleşýän glisirrizin öndürmeklige niýetlenen kärhananyň elektrik üpjünçiligi boýunça ähli işleri «Türkmen ýyldyzy» hojalyk jemgyýetiniň ýokary hünärli hünärmenleridir işçileri tarapyndan ýerine ýetirilipdir.
Kärhananyň Malaýziýanyň «Petronas», Birleşen Arap Emirlikleriniň «Dragon oil» kompanýalarynyň elektrik enjamlarynyň abatlaýyş we beýleki işlerini amala aşyrmaga gatnaşýandygy, bu kärhananyň tutumynyň uludygyndan habar berýär.
Şonuň bilen birlikde kärhana tarapyndan «Türkmengaz» döwlet konserni we ýurtda hereket edýän hususy kärhanalaryň birnäçesi bilen hem hyzmatdaşlyk ýola goýlupdyr. Bu kärhananyň Aşgabat şäherinde we ýurduň ähli welaýatlarynda hyzmat ediş bölümleriniň bardygyny hem belläp geçmek bolar.
