Lebapdaky işjeň bank kartlarynyň sany 1 milliona golaýlady

Şu ýylyň 1-nji dekabryndaky ýagdaýa görä, Lebap welaýatynda işjeň ulanylýan
bank kartlarynyň sany 982 müň 272-ä çykdy. Welaýat işjeň kartlaryň sany
boýunça ýurduň esasy şäherleriniň we sebitleriniň arasynda üçünji orny
eýeleýär.
Türkmenistanyň Merkezi bankynyň resmi saýtynda berilýän maglumatlara
görä, işjeň kartlaryň sany boýunça ýurtda birinji orny Aşgabat şäheri eýeleýär.
Paýtagtdaky kartlaryň sany 1 million 980 müň 474-e ýetdi. Ikinji orundaky Mary
welaýatynda 1 million 70 müň 738 kart bar.
Ýeri gelende aýtsak, şu aýyň ilkinji gününe çenli Türkmenistandaky işjeň bank
kartlarynyň sany 5 million 978 müň 193-e ýetdi.