Lebapda zenanlaryň hünär bäsleşigine badalga berildi

Türkmenistanyň Zenanlar birleşiginiň Merkezi Geňeşiniň we Kärdeşler arkalaşyklarynyň Milli merkeziniň bilelikde guramaklarynda eli çeper zenanlaryň arasynda «Hünärim bar ― hormatym bar» atly bäsleşigiň etrap-şäher tapgyrlary geçirildi.
Bäsleşikde tikinçi zenanlar uz barmaklaryň hünärini, tiken milli lybaslaryny çeper sözleriň, goşgy setirleriniň, gazallardyr rowaýatlaryň üsti bilen wasp edip, ukyp-başarnyklaryny görkezdiler. Bäsleşige gatnaşyjy zenanlaryň ussatlygyna, çalasynlygyna, ýokary baha berildi.
Netijede, üstünlikli çykyş eden zenanlar bäsleşigiň welaýat tapgyryna gatnaşmaga hukuk gazandylar. Bäsleşige gatnaşyjylara guramaçylar tarapyndan ýadygärlik sowgatlary gowşuryldy.