Lebapda ýylyň birinji ýarymynda 12 milliard manatlyga golaý önüm öndürildi
Lebap welaýatynda şu ýylyň ýanwar — iýun aýlarynda öndürilen senagat önümleriniň hereket edýän nyrhlardaky möçberi 11 milliard 950 million manatdan gowraga barabar boldy.
Öndürilen önümleriň 3,1 milliard manatlykdan gowragy ykdysadyýetiň döwlet bölegine degişli boldy. Üstümizdäki ýylyň geçen aýlarynda 2023-nji ýylyň degişli döwri bilen deňeşdirilende iri we orta kärhanalarda öndürilen önümleriň möçberiniň ýokary artyş depginleriniň nebit, himiýa, un üweýji-ýarma dürüşdelenen iým we azyk senagatynyň kärhanalarynda emele gelendigi bellärliklidir. Hasabat döwründe aýry-aýry senagat önümlerini öndürmekde ýokary görkezijilere eýe bolundy.
Şu ýylyň tamamlanan alty aýynda geçen ýylyň deňeşdirilýän döwrüne görä önümleriň öndürilişiniň artyş depgini benzin, nah ýüplük, sement, şöhlat önümleri we beýleki görnüşler boýunça bellenildi.
