Lebapda ýetginjekleriň arasynda woleýbol ýaryşy geçirildi

Türkmenabat şäherindäki 10-njy sport mekdebiniň ýaş woleýbolçylary 2011 ―
2012-nji ýyllarda doglan ýetginjekleriň arasynda geçirilen Lebap welaýatynyň
birinjiliginde çempion boldular. Şu mekdepde geçirilen birinjilige Türkmenabat şäherine hem-de Halaç, Köýtendag, Darganata, Saýat, Çärjew, Dänew we Hojambaz etraplaryna wekilçilik eden toparlaryň 9-sy gatnaşdy. Biri-birinden täsirli geçen duşuşyklaryň netijesinde welaýat merkezindäki 9-njy sport mekdebiniň woleýbolçylary ikinji orny eýelediler. Öňdebaryjylaryň üçlügini Dänew etrabyndan gelen türgenler jemlediler.
Çempion bolan toparyň wekilleri Salyh Meredow, Abdulla Agaberdiýew we
Nazar Begenjow dagy ýaryşyň «Iň gowy oýunçylary» diýlip yglan edildi.