Lebapda ýene gar gatyşykly ýagyş ýagar

Lebap welaýatynda dowam edýän ýagynly günler hepdäniň birinji ýarymynda we ahyrynda gar gatyşykly ýagyşa utgaşar. Bu barada şu gün «Türkmenistan» gazeti habar berdi. Neşiriň ýazyşy ýaly, gündogar sebitde üýtgäp durýan bulutly howa bolup, hepdäniň birinji ýarymynda we ahyrynda gar gatyşykly ýagyş ýagar.
Demirgazyk-günbatardan günorta-gündogara ugruny üýtgedýän, tizligi sekuntda 8 — 13 metrden 12 — 17 metre ýetýän şemal öwser. Howa gijelerine -2… -7 gradus sowukdan -1… +4 gradus aralygynda maýyl, gündizlerine -2… +3 gradusdan +8… +13 gradus aralygynda maýyl bolar.