Lebapda ýazky ekiş möwsümine taýýarlyk güýçlendirilýär

Duşende güni Türkmenistanyň Prezidenti Serdar Berdimuhahamedowyň ýolbaşçylygynda geçirilen iş maslahatynda Lebap welaýatynda ýazky ekiş möwsümine taýýarlyk işleriniň depgininiň ýokarlandyrylýandygy bellenildi. Gowaça meýdanlarynda alnyp barylýan ýer taýýarlyk çäreleri bilen bir hatarda, oba hojalyk tehnikalarynyň abat ýagdaýda saklanmagyna we möwsüm wagtynda doly ulanylmaga taýýarlanmagyna aýratyn üns berilýär.
Hormatly Prezidentimiz agrotehniki çäreleriň talabalaýyk geçirilmeginiň ýer-suw serişdelerinden netijeli peýdalanmaga we ýokary hasyl almaga mümkinçilik berýändigini belläp, bu ugurda alnyp barylýan işleri berk gözegçilikde saklamagy tabşyrdy.