Lebapda soňky bir ýylda tehniki gözegçilik merkezleriniň bäşisi açyldy
Ozal hem habar berşimiz ýaly, düýn, 20-nji sentýabrda lebap welaýatynda awtoulaglaryň tehniki ýagdaýyny anyklaýyş we hasaba alyş toparynyň edara binalarynyň üçüsi açylyp, ulanylmaga berildi. Şeýlelikde, gündogar sebitde soňky bir ýylyň dowamynda täze açylan şeýle maksatly binalaryň sany 5-e çykdy.
Düýnki açylyş dabaralarynyň welaýat polisiýa müdirliginiň Halaç, Hojambaz etraplarynyň polisiýa bölümlerinde, şeýle-de Saýat etrabynyň Garabekewül şäheriniň polisiýa bölümçesinde geçirilendigini habar beripdik. Geçen ýyl bolsa welaýatyň Dänew we Darganata etraplarynda hem şeýle merkezler açylyp, ulanylmaga berlipdi.
Soňky ýyllarda welaýat ýol gözegçiligi bölüminiň ähli binalarynyň täzelenendigini we Kerki etrabynda hem täze awtoulaglaryň tehniki ýagdaýyny anyklaýyş we hasaba alyş toparynyň edara binasynyň gurlandygyny ýatladýarys.
