Lebapda pagtany abat saklamak boýunça maslahat guraldy
Lebap welaýat polisiýa müdirliginiň ýangyn howpsuzlygy bölüminde ýurduňgymmatly baýlygy bolan pagtany abat saklamak boýunça maslahat geçirildi. Oňa welaýatyň çägindäki pagta arassalaýjy kärhanalaryň we pagta kabul ediş harmanhanalarynyň jogapkär işgärleri gatnaşdylar. Maslahatda bölümiň hünärmenleri çykyş edip, gymmatly çig maly ýangyndan ygtybarly goramagyň ýollary, berjaý edilmeli kadalar barada giňden durup geçdiler.
Pagta arassalaýjy kärhanalaryň işgärleri, öz gezeginde, önümçilik bölümlerinde ýangyn howpsuzlygynyň düzgünlerini berjaý etmek boýunça alnyp barylýan işler barada özara pikir alyşdylar. Çärä gatnaşyjylar soňra bölümiň ýangyn- tehniki merkezine gezelenç etdiler.
