Lebapda motor ýagynyň täze görnüşi öndürilip başlandy

Önümçilik işleri Dänew etrabynda alyp barýan «Asuda akym» hojalyk jemgyýeti öndürýän motor ýaglarynyň hataryna «IMPEROL» haryt nyşanly ýene bir ýagy goşdy. Şeýlelikde, täze önüm bu ýerde ozaldan öndürilip gelinýän «Şir ýag» haryt nyşanly ýagyň üstüni ýetirdi.
Täzelikde, öndürilip başlanandygyna garamazdan, «IMPEROL» ýagy hem dessine hyrydarlaryny tapdy. Täze önüm müşderilere 1, 5, 20 we 205 litrlik gaplarda hödürlenilýär. Ýeri gelende aýtsak, bu gaplar hem kärhananyň özünde öndürilýär.
Häzirki wagtda hojalyk jemgyýeti öz önümlerini diňe bir içerki bazarda ýerlemän, olary goňşy döwletlere eksport hem edýär. «Şir ýag» we «IMPEROL» bu döwletlerde-de iň geçginli motor ýaglarynyň hatarynda.