Lebapda mekdep bazarlary işläp başlady
Lebap welaýatynda mekdep bazarlary işläp başlady. Welaýat alyjylar jemgyýetleri birleşiginde habar berişlerine görä, welaýatyň oba-şäherlerinde göçme söwda nokatlarynyň 51-si hereket edýär. Şeýle-de birleşige degişli söwda dükanlarynyň 570-sinde hem mekdep burçlary döredildi.
Mekdep bazarlarynda kanselýariýa harytlarynyň, okuw esbaplarynyň, okuwçy lybaslarynyň giň söwdasy guralýar. Aýratyn bellenilmeli zat bolsa mekdep bazarlarynda alyjylara hödürlenilýän harytlaryň aglabasynyň Türkmenistanda öndürilenligidir.
Welaýatda açylan mekdep bazarlary awgust aýynyň 1-inden sentýabr aýynyň 5-ine çenli ir säherden tä giç öýläne çenli işlär. Göçme söwda nokatlarynyň işlemegi satyjylar üçin hem, alyjylar üçin hem amatlydyr.
