Lebapda kitaphanaçylaryň maslahaty geçirildi
Lebap welaýat kitaphanasynyň gurnamagynda «Kitaphanalarda alnyp barylýan giň gerimli işleriň üsti bilen halkymyzyň köpasyrlyk şöhratly taryhyny, milli gymmatlyklaryny, Berkarar döwletiň täze eýýamynyň Galkynyşy döwründe gazanylan uly üstünliklerini dünýä ýaýmakda, geljekki nesillerimize ýetirmekde Sanly ulgamyň tutýan orny» atly nobatdaky okuw maslahaty geçirdi.
Okuw maslahatyna şäher, etrap merkezi kitaphanalarynyň müdirleri, şahamça kitaphanaçylary, kitaphanada okyjylar bilen işleýän, kitaplary toplamak we olary kitaphana esasynda işlemek işlerini ýerine ýetirýän hünärmenler gatnaşdylar.
Maslahatda aşakdaky meselelere seredildi:
― Kitaphanalarda okyjylaryň isleglerini kanagatlandyrmak we maglumatlary doly açyp görkezmekde Bütewi elektron kitaphana ulgamynyň orny;
― Kitaphanananyň bibliografik, maglumat serişdeleriniň, önümleriniň we kitaphana hyzmatlarynyň sergisiniň üsti bilen okyjylaryň kitaplardan peýdalanmaklarynyň ýollaryny gazanmak;
― Kitaphanada tükelleme işleriniň geçirilmeginiň asyl maksady we bu ugurda alnyp barylýan işler boýunça pikir alyşmak;
― Çagalarda kitap okamaga bolan höwesi döretmekde alnyp barylýan işler;
Welaýat kitaphanasynyň bölüm müdirleri öz bölümleriniň iş tejribesi boýunça degişlilikde iş geçdiler.
