Lebapda käbir hojalyklar bugdaý meýilnamasyny berjaý etdi

Halaç etrabynyň Magtymguly adyndaky, «Güneş», Kerki etrabynyň «Gyzylaýak», «Hatap», Saýat etrabynyň S. A. Nyýazow adyndaky daýhan birleşikleriniň, Çärjew etrabyndaky «Tebigy ekin», Köýtendag etrabyndaky «Höwesli» daýhan hojalyklarynyň, Dänew etrabyndaky «Rowaçly ösüş» hususy kärhanasynyň zähmet adamlary welaýatda ilkinji bolup, bugdaý tabşyrmak
baradaky meýilnamasyny berjaý etdiler.
Halaç etrabynyň Magtymguly adyndaky daýhan birleşiginde 1125 gektar meýdandan 3010 tonnanyň ýerine 3425 tonna bugdaý hasyly ýygnaldy. Orak ýene-de dowam edýär. Hojalykda şu orakda kärendeçileriň 103-si bugdaýdan bol hasyl ýygnadylar. Olardan Ogulşeker Penjiýewa 65 gektar ýerinden 175, 5 tonnanyň ýerine 201 tonnadan gowrak hasyl ýygnamagyň hötdesinden geldi.
Soltanmyrat Ödemyradow 10 gektar meýdanda ýetişdiren bugdaýyndan 22 tonnanyň deregine 36 tonna, Ýusup Hojaýew 9 gektar ýerinden 24,3 tonnanyň deregine 31,5 tonna bereketli hasyly ýygnap, uly zähmet üstünliklerini gazandylar.