Lebapda gowaça ekişine we bag ekmek dabarasyna taýýarlyk görüldi

Lebap welaýatynda gowaça ekişini agrotehniki möhletlerde geçirmek üçin zerur bolan ähli taýýarlyk işleri welaýat boýunça ýokary derejede ýerine ýetirildi. Bu barada döwlet Baştutanymyzyň ýolbaşçylygynda 16-njy martda geçirilen iş maslahatynda welaýatyň häkimi hasabat berdi.
Hasabatda bellenilişi ýaly, ekiş möwsüminde ulanyljak tehnikalaryň we gurallaryň doly sazlygy üpjün edilip, guramaçylykly girişmek üçin degişli çäreler görüldi.
Mundan başga-da, ýazky bag ekmek möwsümini we ählihalk bag ekmek dabarasy üçin baglaryň ekiljek ýerleri öňünden kesgitlenip, nahallaryň ýeterlik möçberi taýýar edildi. Bu çäreler welaýatyň ekologiýa ýagdaýyny gowulandyrmaga we bagy-bossanlyga öwürmäge gönükdirilendir.