Lebapda geçen ýylky pagta doly gaýtadan işlenildi
Lebap welaýatynyň pagta arassalaýjy kärhanalarynda geçen ýylyň hasylyny gaýtadan işlemek işi üstünlikli tamamlandy. Olarda möwsümara abatlaýyş işlerine guramaçylykly girişildi.
Lebaply daýhanlar pagtany bol öndürmek arkaly ýurdumyzyň ösüşlerine mynasyp goşant goşýarlar. Gymmatly çig mallary abat saklamak we çuňňur gaýtadan işlemek bilen bolsa kärhanalaryň 11-si meşgullanýar. Olary geljek möwsüme göreldeli taýýarlamak üçin maksatlaýyn çäreler ýaýbaňlandyrylýar. Önümçilik bölümlerini abatlamak işlerini kärhanalaryň işgärleri öz güýçleri bilen ýerine ýetirýärler. Bu işlerde Dänew, Garaşsyzlyk pagta arassalaýjy kärhanalarynyň hünärmenleri has öňe saýlanýarlar.
