Lebapda edara binalary gurlup, ulanylmaga berildi
Lebap welaýatynyň polisiýa müdirliginiň Halaç, Hojambaz etrap polisiýa bölümlerinde, şeýle-de Saýat etrabynyň Garabekewül şäher polisiýa bölümçesinde awtoulaglaryň tehniki ýagdaýyny anyklaýyş we hasaba alyş toparynyň edara binalary gurlup, dabaraly ýagdaýda ulanylmaga berildi.
Bu şatlykly wakalaryň “Ýol hereketiniň howpsuzlygy – ömrümiziň rahatlygy” atly biraýlygyň dowam edýän günlerinde bolmagy Türkmenistanyň Içeri işler edaralarynyň işgärlerine baýramçylyk sowgady boldy.
Daşary ýurt kompaniýalarynda öndürilen dürli görnüşli, ýokary hilli enjamlar ornaşdyrylan bu binalaryň açylyş dabaralary uly ruhubelentlik ýagdaýynda geçirildi.
Dabarada bu binalary gurmakda tapawutlanan gurluşykçylara Türkmenistanyň Prezidentiniň adyndan gymmat bahaly sowgatlar gowşuryldy. Dabaralara gatnaşyjylaryň awtoulaglaryň tehniki ýagdaýyny anyklaýyş we hasaba alyş toparynyň edara binalarynyň içine aýlanyp,olarda döredilen döwrebap şertlerdir mümkinçilikler bilen tanyşmagy täsirli pursatlara baý boldy.
