Lebapda «E-Commerce» hyzmatynyň gerimi giňeýär
Türkmenistanyň maliýe edaralary tarapyndan täze hödürlenen hyzmatlaryň biri bolan «E-Commerce» hyzmaty Lebap welaýatynda hem meşhurlygyny gün-günden artdyrýar. Şu ýylyň 1-nji sentýabryndaky ýagdaýa görä, welaýatda elektron söwda nokatlarynyň sany 71-e çykdy.
Lebap welaýaty bu görkezijide hem paýtagtdan soň ikinji orunda. Aşgabat şäherinde şeýle nokatlaryň 540-sy bar.
Lebap welaýatyndaky nokatlaryň 59-sy «Halkbank» PTB tarapyndan dolandyrylýar. Şeýle hem 9 nokat «Türkmenistan» DTB-ä, 2 nokat «Rysgal» DTB-ä, bir nokat bolsa Türkmenistanyň Döwlet Daşary ykdysady iş bankyna degişlidir.
