Lebapda bölek-satuw haryt dolanyşygy 10 göterime golaý ösdi
Lebap welaýatynda şu ýylyň geçen alty aýynda bölek-satuw haryt dolanyşygynyň möçberi 7 milliard 259,1 million manada barabar boldy. Munuň özi geçen ýylyň degişli döwri bilen deňeşdirilende 9,6 göterim artykdyr.
Söwdanyň döwlete degişli böleginde haryt dolanyşygy durnukly artyp, bölek-satuw haryt dolanyşygynyň umumy möçberinde 10 göterime barabar boldy. Üstümizdäki ýylyň iýun aýynda öňki aý bilen deňeşdirilende birnäçe harytlyk önümleriň nyrhlarynyň peselendigi-de bellenildi.
Has takygy, şeýle oňyn görkeziji düýp sogan (20,68 göterim), ýeralma (10,31 göterim), kelem (8,12 göterim), dürli gök otlar (9,20 göterim) we beýleki käbir azyklyk harytlar boýunça hasaba alyndy.
