Lebapda bilim işgärleriniň ýanwar maslahaty geçirilýär
Türkmenistanyň çar künjeginde bolşy ýaly, Lebap welaýatynda-da bilim işgärleriniň gatnaşmaklarynda usuly-amaly okuwlar başlandy.
Her ýyl mekdep okuwçylarynyň gyşky dynç alyş möwsüminiň dowam edýän
günlerinde geçirilmegi däbe öwrülen bu çäre etrap-şäherlerdäki göreldeli orta
mekdepleriň binýadynda guralýar. Okuwlaryň dowamynda bilim işgärlerine okuw-terbiýeçilik işlerini döwrüň ösen talaplaryna laýyklykda kämilleşdirmek babatda özara tejribe alyşmaga giň şertler döredilýär.
Şonuň ýaly-da okuwlarda ýokary tehnologiýaly enjamlardan, sanly ulgamyň
mümkinçiliklerinden işjeň peýdalanmak arkaly ýaş nesle berilýän bilim-terbiýäniň hilini üzül-kesil gowulandyrmakda, ýaşlary ata-baba ýol-ýörelgelerimiz esasynda millilik, watansöýüjilik ruhunda terbiýelemekde öňde durýan möhüm wezipelere üns çekilýär. Däbe öwrülen okuwlar üç günläp dowam eder.
