Lebapda ählihalk bag ekiş çäresi geçirildi

Şu gün Türkmenistanda ählihalk güýzki bag ekiş çäresi geçirildi. Oňa ýurduň ýaşaýjylary köpçülikleýin gatnaşdylar.
Lebap welaýatyndaky esasy çäreler Aşgabat ― Türkmenabat ýokary tizlikli ýolunyň 599-njy kilometrindäki 10 gektarlyk meýdanda geçirildi. Oňa welaýatyň köp sanly ýaşaýjylary gatnaşdylar.
Günüň dowamynda welaýatyň ähli etrap-şäherlerinde müňlerçe adam 26 müň 780 düýp bag nahallaryny ekmäge gatnaşdy. Olar pürli, saýaly agaçlary we tut ekdiler.
Güýzki bag ekiş mösüminde welaýatda 88 müň 680 düýp bag nahallaryny ekmek meýilleşdirilýär.