Lebapda 750 müň tonna golaý sement öndürildi

Şanly ýylyň geçen döwründe welaýatynyň senagat kärhanalary boýunça sementiň 743,6 müň tonnasy öndürildi. Munuň özi geçen ýylyň degişli döwründäki bilen deňeşdirilende, ep-esli köpdür. Bu ösüş depgini ýylyň ahyryna çenli sebitde öndüriljek ýokary hilli sementiň 1 million tonnadan hem geçjekdigini görkezýär.
Ýeri gelende aýtsak, welaýatda ýyllyk kuwwaty 2 million tonna bolan sement zawody işleýär. Köýtendag etrabynda ýerleşýän bu zawodyň ikinji tapgyrynyň binalar toplumy geçen ýylyň mart aýynda Türkmenistanyň Prezidenti Serdar Berdimuhamedowyň gatnaşmagynda açylyp, ulanylmaga berildi.