«Lebapawtoulag» önümçilik birleşiginde işleriň depgini artýar
«Lebapawtoulag» önümçilik birleşiginiň sürüjileri şu ýylyň fewral aýynda 6 million 397 müň manatlykdan gowrak ýük daşadylar. Bu meýilleşdirileninden 1 million 588 müň manatlykda gowrak ýüküň artyk daşalandygyny aňladýar.
Şonuň ýaly-da, fewral aýynda ýolagçylara 16 million 962 müň manatlykdan gowrak awtoulag hyzmatlary edildi. Bu meýilleşdirileninden 3 million 667 müň manatlykdan gowrak köpdür. Bu görkezijiler geçen ýylyň degişli döwründäkisinden, şeýle hem ýanwar aýyndakysyndan has ýokarydyr.
