Lebap welaýatynyň Seýitnazar Seýdi adyndaky döwlet sazly drama teatrynda türkmen halk ertekisiniň esasynda pýesa görkezildi
Şu gün Lebap welaýatynyň Seýitnazar Seýdi adyndaky döwlet sazly drama teatrynda «Ýartygulak pýeasy görkezildi. Görkeziş Çagalary goramagyň halkara gününe bagyşlandy.
Pýesany türkmen halk ertekisiniň esasynda şahyr, dramaturg Gaýyp Jumaýew ýazdy we sahnalaşdyrdy. Sahnanyň bezegini Myrat Haýtyýew amala aşyrdy. Rollary Çary Rahmankulow (Ýartugulagyň kakasy), Ýagşygül Açylowa (Ýartygulagyň ejesi), Aman Akyýew (Lolluk), Maýa Kemalowa (Lollugyň aýaly), Dursun Taganowa (Lollugyň gyzy), Çary Eýeberenow (Horhan), Dilaram Nurmamedowa (Tilki), Akmyrat Jumageldiýew (Möjek), Döwlet Haýtgulyýew (Çopan) dagylar ýerine ýetirdiler. Ýartugulagyň sesini Türkmenabat şäherindäki ýöriteleşdirilen orta mekdebiň okuwçysy Mekan Allaberdiýew berdi.
Görkezişe gatnaşan çagalar we olaryň ene-atalary pýesa ýokary baha berdiler.
