Lebap welaýatynyň gurluşyk meýdançalary gerekli möçberdäki kerpiç bilen üpjün edilýär
Lebap welaýatynyň telekeçileri gurluşyklary ýokary hilli kerpiç bilen üpjün etmekde işjeňlik görkezýärler.
Mysal üçin, «Dury çeşme» hususy kärhanasynda ýylyň başyndan bäri kerpijiň 1 million 750 müňüsi öndürildi we ulanyjylara ugradyldy. Bu geçen ýylyň degişli döwründäkisinden 482 müňe ýakyn köpdür. «Joşgunly iş» hususy kärhanasynda bolsa bu önümiň öndürilen möçberi 3 million 103 müňe ýetdi. Bu kärhananyň geçen ýyldaky görkezijisinden 2 million 53 müň köpdür. «Asylly başlangyç» hususy kärhanasynda bolsa 1 million 35 müň kerpiç bişirilip, gurluşyk meýdançalaryna ugradyldy. Bu geçen ýylyň sekiz aýynyň görkezijisinde 615 müň köpdür.
