Lebap welaýatynda ýazky soganyň ekişi tamamlandy. Bu ekin üçin dokuz ýüz gektar meýdan bölünip berildi. Tomusda ondan ýigrimi iki müň bäş ýüz tonna hasyl almaklyk göz öňünde tutulýar. Şonda her gektaryň hasyllylygy iki ýüz elli tonna barabar bolar.
Bu ekin üçin welaýatyň ähli etraplarynda hem ýer bölekleri bölünip berildi. Ekilmeli meýdanyň möçberi kesgitlenilende, her sebitiň toprak-howa şertleri, oba zähmetkeşleri tarapyndan bu ekini ýetişdirmekde toplanan tejribe göz öňünde tutuldy. Döwletli etrabynda sogan bir ýüz segsen gektar meýdanda ekildi. Etrabyň zähmetkeşleri ondan dört müň bäş ýüz tonna hasyl almakçy. Çärjew etrabynda sogan ekmek üçin bir ýüz otuz gektar ýer bölünip berildi. Tomusda şonça ýerden üç müň iki ýüz elli tonna hasyl ýygnamak göz öňünde tutulýar.
Farap etrabynda ýüz gektar meýdanda sogan ekildi. Şertnamalaýyn borçnamasyna laýyklykda, faraply daýhanlar ondan iki müň bäş ýüz tonna hasyl almaly. Saýat we Halaç etraplarynyň hersinde hem ýüz gektar meýdana bu ekini ekdiler.
Dänew etrabynda sogan ekmek üçin segsen gektar, Hojambazda we Kerkide ýetmiş gektardan, Köýtendagda elli gektar, Darganata etrabynda ýigrimi gektar meýdan sogan ekmek üçin bölünip berildi
