Şu günler Lebap welaýatynda orta mekdepleri täze okuw ýylyna taýýarlamak boýunça işler alnyp barylýar. Orta mekdepleriň synp otaglarynda, kitaphanalarynda, sport zallarynda we meýdançalarda gurluşyk-abatlaýyş işleri talabalaýyk geçirilýär. Mekdepleriň howlularynda, ýanýodalarynda asfalt örtükleri çalşyrylýar, yşyklandyryş ulgamy abatlanylýar.
Welaýatda umumy bilim berýän orta mekdepleriň we mekdep-internatlaryň 387-si hereket edýär. 2021—2022-nji okuw ýylanda olarda oglanlaryň we gyzlaryň 313 müňden gowragy bilim aldy. Täze okuw ýylynda orta mekdepleriň üsti ýene-de bir mekdep bilen ýetiriler. Saýat etrabynyň Esgi geňeşliginde onuň gurluşygy tamamlaýjy tapgyrda alnyp barylýar.
