MILLI BAÝRAMÇYLYKLAR

Lebap welaýatynda Nowruz baýaramy bellenildi

Şu gün Türkmenabat şäherindäki «Türkmeniň ak öýi» binasynyň öňünde Milli Bahar baýramy mynasybetli baýramçylyk dabarasy geçirildi.

Bahar gözellikleri bilen utgaşan bu dabarada oba hojalyk,  dokma, haly önümleriň we el işleriniň sergileri guraldy. Toý gazanlary atarylyp, türkmeniň alty ganat ak öýleri dikilip, hiňňildikler gurnalyp, ýaşuly nesliň we welaýatyň bagtyýar ilatynyň gatnaşmagynda geçirilen baýramçylyk dabarasynda  Lebabyň bagşy-sazandalarynyň,   çagalar sungat mekdepleriniň okuwçylarynyň aýdym-sazlary ýaňlandy. Folklor ussatlarynyň we darwazçylaryň täsirli çykyşlary görkezildi. Welaýatyň ýörite sungat mekdebiň nakgaşçylyk bölüminiň talyplarynyň bahar gözelliklerini wasp edýän suratlary bolsa dabara aýratyn öwüşgin berdi.

Baýramçylyk dabaralary Lebap welaýatynyň ähli şäherlerinde we etraplarynda geçirildi.

Понравилась статья? Поделиться с друзьями: