Lebap welaýatynda melioratiw ýagdaýy gowulandyrmak boýunça çäreler görülýär

Türkmenistanyň Prezidenti Serdar Berdimuhamedowyň ýolbaşçylygynda duşenbe güni geçirilen iş maslahatynda Lebap welaýatynyň häkimi tarapyndan berlen hasabatda welaýatynda ekerançylyk meýdanlarynyň melioratiw ýagdaýyny gowulandyrmak maksady bilen, ekin meýdanlarynyň daş-töweregini, suwaryş we şor suw akabalaryny arassalamak ugrunda zerur işleriň alnyp barylýandygy bellenildi.
Hormatly Prezidentimiz bu ugurdaky işleriň yzygiderli dowam etdirilmeginiň zerurdygyny nygtap, ýerleriň hasyllylygyny ýokarlandyrmak bilen bagly çäreleriň berk gözegçilikde saklanmagyny tabşyrdy.