YKDYSADYÝET

Lebap welaýatynda dowarlardan owlak-guzy almak möwsümi dowam edýär

Lebap welaýatynda dowarlardan alnan owlak-guzularyň sany 11 müňe ýakynlady. Welaýatyň maldarçylyk hojalyklarynda dowarlaryň şu möwsüme çenli baş sany 159 müň 594-e barabardyr.

Şu möwsümde ene mallaryň 80 müň 220-sinden 73 müň 772 baş owlak-guzy almak meýilleşdirildi. Bu möwsümde Saýat etrabynyň «Jeýhun», Halaç etrabynyň «Garagum», Köýtendag etrabynyň «Köýtendag» maldarçylyk hojalyklary aýratyn tapawutlanýarlar. Saýatly maldarlar dowarlaryň 27 müň 128-sinden owlak-guzularyň 24 müň 756-syny almagy meýilleşdirdiler. Hojalyga degişli örülerde eýýäm owlak-guzularyň 4456-sy dünýä indi.

Понравилась статья? Поделиться с друзьями: