Lebap welaýatynda bankomatlaryň aglabasy “Daýhanbank”-a degişlidir

2026-njy ýylyň 1-nji ýanwaryndaky ýagdaýa görä, Lebap welaýatynda hereket edýän bankomatlaryň arasynda “Daýhanbank” DTB-niň bankomatlary san taýdan öňdeligi eýeleýär. Resmi maglumatlara laýyklykda, welaýat boýunça bu bankyň 263 sany bankomaty bar bolup, bu görkeziji Lebapdaky bankomatlaryň umumy sanynyň ep-esli bölegini emele getirýär.
Deňeşdirme üçin aýdanyňda, Lebap welaýatynda “Türkmenbaşy” PTB-niň 74, “Türkmenistan” DTB-niň 49, “Halkbank” PTB-niň 24, “Senagat” PTB-niň 18 bankomaty hereket edýär. Şeýle hem beýleki banklaryň bankomatlarynyň sany has azdyr. Umuman alanyňda, Lebap welaýatynda bankomatlaryň jemi sany 432-ä ýetip, bu ýagdaý ilatyň bank hyzmatlaryna elýeterliliginiň ýokarlanýandygyny, esasan-da “Daýhanbank”yň sebitde esasy hyzmat beriji bank hökmünde çykyş edýändigini aýdyň görkezýär.