Lebap welaýat kitaphanasynda täze kitabyň tanyşdyrylyş dabarasy geçirildi
Lebap welaýat kitaphanasynda Türkmenistanyň Prezidentiniň «Änew — müňýyllyklardan gözbaş alýan medeniýet» atly kitabynyň tanyşdyrylyş dabarasy boldy.
«Gadymy medeniýetiň mekany, Änew!» diýen at bilen geçirilen çäräni Türkmenistanyň Demokratik partiýasynyň welaýat komiteti hem-de welaýat kitaphanasy bilelikde guradylar. Tanyşdyrylyş dabarasynda çykyş edenler Türkmenistanyň Prezidentiniň pähim-paýhasyndan dörän eseriň many-mazmuny, onuň türkmenistanlylaryň her biri üçin gymmatly gollanmadygy dogrusynda buýsançly söhbet etdiler.
Änew şäheriň 2024-nji ýylda «Türki dünýäsiniň medeni paýtagty» diýlip yglan edilmegi-de muny ýene bir ýola tassyklaýar diýlip çykyşlarda nygtaldy. Dabara gatnaşyjylar şeýle ilhalar eseri peşgeş edendigi üçin Türkmenistanyň Prezidentine alkyş sözlerini aýtdylar.
Şol gün bu medeniýet ojagynda «Miras — halkyň ruhy dünýäsi» diýen şygar astynda täze neşir edilen kitaplaryň sergisi guraldy.
