Lebap welaýat kitaphanasynda döredijilik duşuşygy geçirildi

Lebap welaýat kitaphanasynda Türkmenistanyň Zenanlar birleşiginiň Merkezi geňeşiniň hem-de welaýat zenanlar bölüminiň bilelikde guramagynda geçirilen «Ösüşleriň belentliklerine beslenen täze döwrüň buýsançly zenanlary» atly okuw maslahatynyň çäklerinde döredijilik duşuşygy guraldy.
Duşuşygyň dowamynda ýurdumyzda zenanlara goýulýan sarpa, taryhda yz goýan şahsyýetlerimiziň gahrymançylyklary ýollary, ene-mamalarymyzyň görüm-göreldeleri dogrusynda täsirli söhbet edildi. Soňra duşuşyga gatnaşyjylar kitaphana işgärleri tarapyndan «Milli mirasymyz—ruhy baýlygymyz» ady bilen guralan kitap sergini synladylar. Sergide ýerleşdirilen dürli neşir önümleri we Türkmenabat şäheriniň çagalar çeperçilik mekdebiniň okuwçylarynyň döreden eserleri oňa gatnaşyjylarda uly täsir galdyrdy.