Lebap welaýat häkimliginde weteranlara sowgatlar gowşuryldy
Lebap welaýat häkimliginde 1941—1945-nji ýyllaryň Beýik Watançylyk urşunda gazanylan Ýeňşiň 80 ýyllygy mynasybetli «Watan gahrymanlary bakydyr» atly dabaraly maslahat geçirildi. Oňa il sylagly ýaşulular, Türkmenistanyň Mejlisiniň deputatlary, jemgyýetçilik guramalarynyň, syýasy partiýalaryň wekilleri, harby we hukuk goraýjy edaralaryň işgärleri gatnaşdylar.
Maslahatda edilen çykyşlarda merdana pederlerimiziň gahrymançylykly ýollary dogrusynda täsirli söhbet edildi. Soňra maslahatyň dowamynda uruş weteranlaryna, uruşda wepat bolan esgerleriň ýanýoldaşlaryna, tyl zähmetkeşlerine welaýatymyzyň jemgyýetçilik guramalary tarapyndan baýramçylyk sowgatlary dabaraly ýagdaýda gowşurylyp, olara berk jan saglyk
arzuw edildi.
Welaýatyň medeniýet we sungat ussatlarynyň aýdym-sazly çykyşlarynda berkarar döwletimiziň asudalygy, döwrümiziň we halkymyzyň bagtyýarlygy, ýurdumyzyň hemmetaraplaýyn gülläp ösüşi belentden wasp edildi.
