Lebap welaýat Çagalar öýünde Kärdeşler arkalaşyklarynyň hasabat ýygnagy geçirildi
Türkmenistanyň Kärdeşler arkalaşyklarynyň Milli merkeziniň tertipnamasyna laýyklykda welaýat çagalar öýünde, «Ene mähri» merkezinde, welaýat inçekesel hassahanasynda, Türkmenabadyň lukmançylyk orta okuw mekdebinde we Türkmenabat şäherindäki 1-nji saglyk öýünde hasabat ýygnaklary geçirildi.
Ýygnaklarda saglygy goraýyş işgärleriniň kärdeşler arkalaşygynyň Türkmenabat şäherindäki ilkinji guramalarynyň başlyklarynyň geňeşine girýän ilkinji guramalaryň 2024-nji ýylda ýerine ýetiren işleri barada giňişleýin hasabatlar berildi. Şeýle-de geçen ýylda köpçülikleýin şertnamanyň ýerine ýetirilişi barada hasabat berilmek bilen bir hatarda 2025-nji ýylda amal edilmeli işleriň meýilnamasy tassyklanyldy. Ýygnaklarda kärdeşler arkalaşyklarynyň ilkinji guramalarynyň işlerine kanagatlanarly baha berildi.
