Türkmenistanyň Prezidenti Serdar Berdimuhamedowyň gol çeken resminamasy bilen ýaşulularyň 18-sine Türkmenistanyň «Hormatly il ýaşulusy» diýen at dakyldy. Olaryň üçüsi Lebap welaýatynyň ýaşaýjylarydyr.
Has takygy, Türkmenabat şäheriniň ýaşaýjysy, pensioner Mamatkuly Azymow, Saýat etrabynyň Merýe geňeşliginiň Alpan obasynyň ýaşaýjysy, pensioner Hemraguly Agalyýew we Hojambaz etrabynyň Mekan geňeşliginiň Mekan obasynyň ýaşaýjysy, pensioner Bazarkul Şalyýew bu hormatly adyň eýeleri boldular.
