Lebabyň wekilleri Halk Maslahatynyň mejlisine gatnaşmak üçin Aşgabat şäherine bardylar
Şu gün Lebap welaýatynyň jemgyýetçilik wekilleri Türkmenistanyň Halk Maslahatynyň nobatdaky mejlisine gatnaşmak üçin Aşgabat şäherine bardylar. Ozal hem habar berşimiz ýaly, düýn Türkmenabat demirýol menzilinde olaryň ugradylyş dabarasy boldy.
Lebabyň jemgyýetçilik wekilleri paýtagtyň «Aşgabat» myhmanhanasynda ýerleşdirildi. Öňde duran taryhy mejlisiň hormatly myhmanlary hökmünde olara mugt hyzmat edilýär.
Türkmenistanyň Halk Maslahatynyň mejlisi 24-nji sentýabrda geçiriler. Onuň işine Lebap welaýatynyň ýaşaýjylarynyň 300-e golaýy gatnaşar.
