Türkmenabat şäherindäki 9-njy orta mekdepde düzzüm boýunça Lebap welaýatynyň birinjiligi ugrunda ýaryş geçirildi. Mekdep okuwçylarynyň 30-dan gowragynyň gatnaşmagynda şahsy görnüşde geçirilen bäsleşik ýaş düzzümçilere öz ukyp-başarnyklaryny görkezmäge mümkinçilik berdi.
Ýaryşyň netijeleri boýunça oglanlaryň arasynda Türkmenabat şäherindäki 13-nji sport mekdebiniň türgeni Amir Owezow birinji, Samir Awezow ikinji orunlary eýelediler. Üçünji orna saýatly türgen Ikram Zaripjanow mynasyp boldy. Gyzlaryň arasynda baýrakly orunlaryň ählisini türkmenabatly türgenler eýelediler. Selbi Maşaripowa birinji, Niginabonu Çaryýewa ikinji, Dilnaza Jumaniýazowa üçünji orunlary gazandylar. Baýrakly orunlara mynasyp bolan türkmenabatly türgenleriň 13-nji sport mekdebiniň tälimçisi Kamiljan Jumaniýazowyň şägirtleridigini bellemek gerek.
Lebabyň iň zehinli düzzümçileri saýlanyldy
30
May
