Lebabyň iň güýçli ýaş pälwanlary anyklanyldy
Tiirkmenabat şäherindäki 7-nji sport mekdebinde guşakly göreş boýunça geçirilen welaýatyň çempionatyna Türkmenabat șäherinden, Saýat, Kerki, Darganata etraplaryndan ýaş pälwanlaryň 50-ä golaýy gatnaşdy. Ýaryşyň tutuş dowamynda saýatly türgenler üstünlikli çykyş edip, gyzlaryň arasynda-da, oglanlaryň arasynda-da toparlaýyn birinjiligi eýelediler. Ýaş pälwanlaryň nobatdaky üstünliginde ussat tälimçiler Agamyrat Çaryýewiň, Halnazar Jumaýewiň, Kerim Gurbanowyň mynasyp paýlary bardyr. Türkmenabatly tälimçiler Azatmuhammet Așyrowyň we Derkar Açilowyň türgenleri hem öz başarnyklaryny görkezip, toparlaýyn ikinjiligi gazandylar. Oglanlaryň arasynda guralan tutluşyklarda Darganata etrabynyň topary üçünji orny eýeledi.
