Lebabyň futbolçylary Türkmenistanyň birinjiliginde üstünlikli çykyş edýärler

Lebap welaýatynyň 2009 ― 2010-njy ýyllarda doglan futbolçylardan ybarat düzümi Türkmenistanyň birinjiligindäki ikinji duşuşygynda hem ýeňilmedi. Bu tapgyrda welaýatyň futbolçylarynyň garşydaşy ýaryşyň iň güýçli toparlarynyň biri hasaplanylýan Aşgabat şäheriniň «Çandybil» topary boldy.
Paýtagtyň Bedenterbiýe we sport baradaky müdirligine wekilçilik edýän topar bilen geçirilen duşuşyk 1:1 hasabyndaky deňlik bilen tamamlandy.
«Lebap» topary «A» toparçadaky üçünji duşuşygyny Daşoguz welaýatynyň futbolçylary bilen geçirýär.