Lala Şöhradowa ― 20 ýaşa çenli lüştçüleriň arasynda Türkmenistanyň çempiony!
Küştüň Lebap mekdebiniň uçurymy, Ýagşygeldi Kakaýew adyndaky Halkara nebit we gaz uniwersitetiniň talyby Lala Şöhradowa nusgawy görnüşde 20 ýaşa çenli gyzlaryň arasynda Türkmenistanyň çempiony boldy. Ol mümkin bolan 11 utukdan 9 utuk toplamagy başardy.
Ýaryşda ikinji orny Lalanyň gyz jigisi ― Dänew etrabynyň 31-nji orta mekdebiniň okuwçysy Leýla Şöhradowa eýeledi. Ilkinji üçlügi ýene-de Lebap welaýatynyň wekili Gülmira Seýilhanowa eýeledi. Şunda Leýlanyň 8,5, Gülmiranyň bolsa 8 utuk toplandygyny aýtmak gerek.
Ýeri gelende aýtsak, ýaryşda ilkini bäşligiň ählisi lebaply türgenler boldy. Türkmenabat şäherindäki 13-nji sport mekdebiniň türgenleri Mähri Agamyradowa dördünji, Jahan Rejebowa bolsa bäşinji orny eýeledi.
