Türkmenabat şäheriniň 4-nji sport mekdebinde kuraş boýunça geçirilen Lebap welaýatynyň çempionatyna türgenleriň 126-sy gatnaşdy.
Bäsleşik erkekleriň arasynda agram derejeleriniň 7-si boýunça geçirilip, öz agram derejelerinde Yhlas Çarykulyýew (Çärjew etraby), Döwlet Hamrakulyýew (Çärjew etraby), Meýlis Şamuradow (Türkmenabat şäheri), Bazarbaý Ýoldaşow (Türkmenabat şäheri), Daýanç Omirow (Kerki etraby), Sanjar Abdyrahmanow (Köýtendag etraby) we Döwlet Islamow (Çärjew etraby) ýeňiji boldular. Aýal-gyzlaryň arasynda öz agram derejelerinde Leýla Bahadirowa (Çärjew etraby), Rozymeňli Meýmanowa (Türkmenabat şäheri), Narhal Hallyýewa (Türkmenabat şäheri), Oguljan Mamedowa (Türkmenabat şäheri), Nasiba Narimanowa (Türkmenabat şäheri), Sabina Kadyrowa (Türkmenabat şäheri), Leýli Durnazarowa (Türkmenabat şäheri), Sabina Agajanowa (Türkmenabat şäheri) welaýatyň çempionlary boldular.
Ýokarda atlary agzalan türgenleriň gazanan üstünliklerinde Türkmenistanyň at gazanan tälimçisi, kuraş göreşi boýunça aýal-gyzlaryň ýurdumyzyň milli ýygyndy toparynyň baş tälimçisi Şirin Kubaýewanyň, Türkmenistanyň at gazanan tälimçisi Baýramdurdy Halylaýewiň, tälimçiler Gaýrat Zeripowyň, Batyr Hojakulyýewiň, Bahtyýar Kulyýewiň, Oguljan Hallyýewanyň we beýlekileriň mynasyp paýy bar.
Bäsleşikde toparlaryň arasynda Türkmenabat şäheri birinji, Çärjew etraby ikinji, Köýtendag etraby üçünji orunlary eýelediler.
