Köýtendagdaky maslahat 2025-nji ýylyň şygaryna bagyşlandy

Türkmenistanyň Magtymguly adyndaky Ýaşlar guramasynyň Köýtendag etrap Geňeşi tarapyndan etrap häkimliginde «Parahatçylyk, ynanyşmak ähli ösüşleriň özeni» ady bilen ýaşlaryň gatnaşmagynda dabaraly maslahat geçirildi.
Duşuşykda çykyş edenler geçen ýylyň ýatdan çykmajak taryhy wakalara şanly pursatlara beslenendigini bu ýylda Gündogaryň beýik akyldary Magtymguly Pyragynyň doglan gününiň 300 ýyllygynyň belent derejelerde toplanandygyny buýsanç bilen bellediler.
Çykyşlaryň dowamynda 2025-nji ýylyň «Halkara parahatçylyk we ynanyşmak ýyly» diýlip yglan edilmeginiň taryhy ähmiýetine aýratyn üns çekildi. Şunuň bilen baglylykda, ýaşlaryň ýürek buýsançlary uly joşgun bilen diňlenildi.