Köýtendagda ýol howpsuzlygy boýunça wagyz-nesihat çäreleri dowam edýär

Türkmenistanda geçirilýän «Ýol hereketiniň howpsuzlygy – ömrümiziň rahatlygy» biraýlygynyň çäklerinde Lebap welaýatynyň Köýtendag etrabynda dürli wagyz-nesihat çäreleri guralýar.
Çäreler Türkmenistanyň Demokratik partiýasynyň, Magtymguly adyndaky Ýaşlar guramasynyň, bilim bölüminiň hem-de etrap polisiýa bölüminiň ýol gözegçilik gullugynyň wekilleriniň gatnaşmagynda alnyp barylýar. Bilim edaralarynda, çagalar baglarynda we edara-kärhanalarda giňişleýin maslahatlar guralyp, ýol hereketi düzgünleri, ilkinji kömek görkezmek we keselleriň öňüni almak ýaly möhüm meseleler ara alnyp maslahatlaşylýar.