Köýtendagda tebigaty goramaga bagyşlanan okuw maslahatlary geçirildi
Türkmenistanyň Tebigaty goramak jemgyýetiniň Lebap welaýat bölümi Köýtendag etrabyndaky iri edaralarda we kärhanalarda okuw maslahatlaryny geçirdi.
Olara jemgyýete agza edara-kärhanalaryň işgärleri we tebigaty söýüjiler gatnaşdylar. Okuw maslahatynyň dowamynda ekologiýa howpsuzlygyny üpjün etmek hakynda pikir alyşdylar. Köýtendagda hereket edýän senagat kärhanalarynda önümçilik galyndylaryny howa we topraga taşlamagyň öňüni alýan enjamlaryň oturdylandygyny, munuň ekologiýa taýdan arassa önümçiligi aly barmaga şert döredýändigini bellediler. Şonuň ýaly-da, sebitiň tebigatyny goramak we ekologiýa abadançylygyny üpjün etmek boýunça öňde durýan wezipeler barada gürrüň etdiler.
