“Ýol hereketiniň howpsuzlygy- ömrümiziň rahatlygy” atly biraýlyga bagyşlap, polisiýanyň ýol gözegçiligi bölümçesiniň işgärleri bilen bilelikde Köýtendag etrabyndaky orta mekdeplerde wagyz-ündew çäreleri geçirilýär.
Çykyşlarda pyýadalar üçin niýetlenilen geçelgelerden geçmelidigi, ýoldan geçilende telefon, gulaklyk ýa-da beýleki ünsüňi sowujy enjamlaryň ulanylmaly däldigi nygtalýar.
Mekdep okuwçylaryna ýol hereketiniň düzgünleri beýan edilen gollanmalar hem paýlanylýar.
Bu işleriň guramaçylykly geçirilmegine “Arkadag” ýaşlar merkeziniň meýletinçileri hem işjeň gatnaşýarlar.
