Köýtendag döwlet tebigy goraghanasynda ýylýazgy kitaby taýýarlanylýar

Köýtendag döwlet tebigy goraghanasynda 2025-nji ýylyň tebigat ýylýazgysy kitabyny taýýarlamak boýunça maslahat geçirildi. Maslahatta şu ugurda alnyp barylýan işler seljerilip, ylmy maglumatlaryň ýygnalyşy boýunça hasabatlar diňlenildi. Goraghananyň ösümlik dünýäsinde pamir-alaý görnüşleri agdyklyk edýär. Umumy hasaba görä, bu ýerde ösümlikleriň 989 görnüşi bar.
Goraghananyň hünärmenleri haýwanlaryň sanyny we görnüşini anyklamak, ösümlikler barada maglumat toplamak hem-de tebigatyň täsinliklerini öwrenmek boýunça yzygiderli ylmy gözegçilik işleri alyp barýarlar. Maslahatyň dowamynda pasyllara laýyklykda ösümlikleriň we haýwanlaryň durmuşyndaky möwsümleýin özgermeler boýunça alnyp barylýan işler hem beýan edildi.