Koreýa Respublikasynyň birinji hanymy türkmen halylaryna haýran galdy
Koreýa Respublikasynyň Prezidentiniň Türkmenistana döwlet sapary wagtynda onuň ýanynda bolýan maşgalasy üçin medeni maksatnama taýýarlanyldy. Myhman Türkmen halkynyň Milli LIderiniň maşgalasy bilen «Arkadag» myhmanhananyň eýwanynda ýaýbaňlandyrylan sergini synlady.
Türkmenistanyň Halk Maslahatynyň Başlygynyň maşgalasy Ogulgerek Berdimuhamedowa koreý lideriniň maşgalasy Kim Kon-Hine gadymy taryhy bolan milli halyçylyk sungatynyň aýratynlyklary barada gürrüň berdi. Myhman dünýä meşhur halylary döredýän türkmen zenanlarynyň ussatlygyna haýran galýandygyny aýtdy.
Gahryman Arkadagyň we Koreýa Respublikasynyň Prezidentiniň maşgalalary zenan lybaslarynyň görkezilişini hem synladylar. Bu lybaslarda gadymy milli däpler häzirki zaman meýilleri bilen sazlaşykly utgaşýar. Görkeziliş Modeller öýi tarapyndan taýýarlanyldy.
