Köneürgenjiň pagta egriji kärhanasynda ýüplügiň öndürilişi artýar
Köneürgenjiň pagta egriji kärhanasynda ýanwar — iýun aýlarynda dürli ölçegdäki nah ýüplügiň 2019 tonnadan gowragy öndürildi. Bu ýarym ýylda öndürilen önümiň pul mukdarynda 18 million 431 müň manada deň bolandygyny görkezýär. Köneürgenç we S.Türkmenbaşy etraplarynyň pagta arassalaýjy kärhanalary bu fabrigi pagta süýümi bilen yzygiderli üpjün edýär. Çig mal kärhananyň önümçilik bölümlerinde gaýtadan işlenilip, ondan dünýä bazarlarynda ýokary islegden peýdalanýan nah ýüplügiň 6 görnüşi öndürilýär.
